Алба хаагчдыг дотоод аудитороор бэлтгэж цахим үйлчилгээг нэвтрүүлэв

Дархан-Уул аймгийн Онцгой байдлын газар нь нэгдсэн менежментийн тогтолцоог нэвтрүүлэх, үйл ажиллагаандаа хэрэгжүүлэх зорилтын хүрээнд 15 алба хаагчийг дотоод аудиторын сургалтад хамруулсан байна.

Ангийн захирагч нарын өдөр тутмын үйл ажиллагаанд шаардлагатай хууль, эрх зүйн баримт бичгийн эмхтгэлээр гарын авлага бэлтгэн, үйл ажиллагаандаа ашиглахын зэрэгцээ офицер бүрэлдэхүүний өдөр тутмын болон долоо хоногийн үйл ажиллагааны төлөвлөгөөг нэгдсэн байдлаар хөтлөн явуулж байгаа юм.

Алба хаагчдын нийгмийн баталгааг хангах ажлын хүрээнд аймгийн Засаг даргын захирамжаар алба хаагчдыг хөнгөлттэй нөхцлөөр хамруулах 60 айлын орон сууцны газрыг шийдвэрлүүлж, амины орон сууцны 0.5 га газрыг 4 алба хаагч, зуслангийн газрыг 12 алба хаагчдад олгосон.

Мөн “Ухаалаг Дархан” хөтөлбөрийн хүрээнд ажлын байрны галын аюулгүй байдлын дүгнэлт болон ангиллын сургалт авах хүсэлтийг E-mongolia цахим системд  суурилуулан иргэд, аж, ахуйн нэгж, байгууллагуудыг цахимаар үйлчилгээ авах нөхцлийг бүрдүүлсэн байна.

Олон улсын стандартын хэрэгжилтэд хөндлөнгийн аудит хийх ажлын хэсгийн бүрэлдэхүүн үйл ажиллагаатай танилцан, цаашид хэрэгжүүлэх, сайжруулахад анхаарч ажиллах зарим чиглэлийг өглөө.

Эх сурвалж: Онцгой байдлын ерөнхий газар