Дундговь аймаг төвлөрсөн ариутгалын тасагтай боллоо

М.Жавзмаа | Zindaa.mn
2022 оны 04 сарын 18

Эрүүл мэндийн сайд С.Энхболд , Төрийн нарийн бичгийн дарга Ц.Эрдэмбилэг болон бусад холбогдох  хүмүүс  2022 оны дөрөвдүгээр сарын 16 өдөр Дундговь аймагт ажиллаа.  

Яамны удирдлагууд тус аймгийн төр хувийн хэвшлийн эрүүл мэндийн салбарын төлөөллүүдтэй уулзалт хийж  уулзалтын эхэнд  цар тахалтай тэмцэхэд амжилттай ажилласан эрүүл мэндийн салбарынхан болон тэдний ар гэрийнхэнд гүн талархал илэрхийлж  эрүүл мэндийн салбарын  шинэчлэлийн чиглэлээр хийж буй ажлуудыг танилцууллаа.

 

 

Тухайлбал эрүүл мэндийн салбарын цахимжилт, эрүүл мэндийн салбар гүйцэтгэлийн санхүүжилтэд шилжсэнтэй холбоотой гарч буй дэвшил ба асуудлууд мөн 2022 оны тавдугаар сарын нэгний өдрөөс эхлэх  хүн амын нас, хүйс, эрүүл мэндийн эрсдэлд суурилан зонхилон тохиолдох халдварт ба халдварт бус өвчнөөс урьдчилан сэргийлэх,  эрт илрүүлэх үзлэг шинжилгээ, оношилгоонд хамруулах үйл ажиллагааг орон даяар зохион байгуулах бэлтгэл ажлын талаар танилцууллаа. 

 

 

Мөн ЭМЯ захиалгаар  АХБ зээлээр байгуулсан Төвлөрсөн Ариутгалын тасгийн  нээлтийг хийж, шинээр баригдаж буй нэгдсэн эмнэлэгийн барилгын явц болон нэгдсэн эмнэлэгийн үйл ажиллагаатай танилцлаа.

Мөн халдварт ба халдварт бус өвчнөөс урьдчилан сэргийлэх,  эрт илрүүлэх үзлэг шинжилгээ, оношилгоонд хамруулах зорилгоор байгуулж буй дэмжих төвийн засварын явцтай танилцлаа.

 

Эх сурвалж: Эрүүл мэндийн яам

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top