Ойн инженер болох иргэдийг МУИС-д шалгалтгүй элсүүлнэ

2022 оны 04 сарын 27

МУИС “Тэрбум мод –1000 инженер” хөтөлбөр хэрэгжүүлж, “ойн аж ахуйн инженер” бэлтгэхээ мэдэгдлээ.

Монгол Улсын Ерөнхийлөгч Ухнаагийн Хүрэлсүхийн санаачилсан “Тэрбум мод” үндэсний хөдөлгөөний хэрэгжилтийг бүрэн хангахад  МУИС-ийн зүгээс “ТЭРБУМ МОД – 1000 ИНЖЕНЕР” хөтөлбөрийг санаачлан, хэрэгжүүлэхээ мэдэгдлээ.

Уг хөтөлбөрт дээд боловсрол эзэмшсэн иргэдийг 2 жилийн хугацаанд 2 дахь бакалаврын зэрэг буюу “Ойн аж ахуйн инженер” мэргэжлээр суралцуулах хөтөлбөрийг боловсруулжээ. Тодруулбал, өөр чиглэлийн дээд боловсролтой иргэд 2 жил ойн мэргэжлийн хичээлүүдийг судлан “Ойн аж ахуйн инженер” болох юм.

Богино хугацааны “Ойн аж ахуйн инженер” бэлтгэх сургалтын төлбөрт хөнгөлөлт үзүүлэх ба дээд боловсролтой иргэд элсэлтийн ерөнхий шалгалт өгөхгүйгээр МУИС-д элсүүлнэ.

Бүртгэл тавдугаар сарын 1-ээс зургаадугаар сарын 2-ныг хүртэл үргэлжилнэ.

Дэлгэрэнгүй мэдээллийг 77307730-3211  дугаараас лавлана уу.

Одоогоор Монгол улсад 600 гаруй дээд боловсролтой ойн инженерүүд төр, хувийн хэвшлийн ойн байгууллагуудад ажиллаж байна. МУИС, ХААИС жилд 20 орчим ойн инженер, МСҮТ-д 100 гаруй мэргэжлийн ажилчид бэлтгэж байна.

Сэтгэгдэл ( 6 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Энхболд (103.140.11.189)  2023 оны 05 сарын 05

Гоё

0  |  0
Зочин (202.126.89.57)  2022 оны 05 сарын 16

Насны хязгаар бга юу

0  |  0
Ой (66.181.160.89)  2022 оны 04 сарын 29

Мэдээлэл ави утсаа бич

0  |  0
Зангараа (202.179.26.88)  2022 оны 04 сарын 28

УИХ ын гишүүн талимаа Баттөмөр уг нь ойн инженер ухаантай юм ш дээ.

0  |  0
Tseegii (66.181.161.19)  2022 оны 04 сарын 27

Yg ene mergejileer surch bgaad tur zawsarlasan bol orj boloh uu

0  |  0
Цэцэг (202.126.89.228)  2022 оны 04 сарын 27

12р ангийн хүүхэд болох уу

0  |  0
Top