Ж.Норовсамбуу агсныг сүүлчийн замд нь үдлээ

Админ | Zindaa.mn
2022 оны 05 сарын 23

Монголын төр нийгмийн нэрт зүтгэлтэн, УБХ болон УИХ-ын гишүүн асан Жамбын Норовсамбуу агсныг өнөөдөр /2022.05.23/ УДЭТ-аас сүүлчийн замд нь үдлээ. Тэрээр ухамсарт амьдралаа тэр чигээр нь Монгол Улс, Монголын ард түмнийхээ сайн сайхны төлөө зориулсан туршлагатай улстөрч, монгол төрийн тулхтай түшээ байсныг өнөөдөр гэр бүл, үр хүүхэд, анд нөхөд, үе үеийн ажлын хамт олон нь дурсан санагалзаж, эмгэнэн гашуудаж байна.

Тэрээр 1965 оноос Дорнод аймгийн мал эмнэлгийн салбараас ажлын гараагаа эхлүүлэн, 1975-1978 онд Хэнтий аймгийн “Онон” сангийн аж ахуйн даргаар ажиллаж, залуу халуун насныхаа 13 жилийг Монголын дорнод бүс нутгийн хөгжлийн төлөө, улс орны мал, аж ахуй, газар тариалангийн салбарыг хөгжүүлэх үйл хэрэгт зориулжээ.

Улмаар 1980-1982 онд Сангийн аж ахуйн орлогч сайд, 1982-1984 онд Сэлэнгэ аймгийн Цагаан толгойн үр тарианы сангийн аж ахуйн дарга, 1984-1986 онд Ховд аймгийн АДХ-ын гүйцэтгэх захиргааны дарга, 1986-1992 он Сэлэнгэ аймгийн МАХН-ын хорооны 1-р нарийн бичгийн дарга, 1992 оны I-VII сард Улсын Бага Хурлын гишүүн, 1992-1996, 1996-2000 онд Улсын Их Хурлын гишүүн, 2000-2008 онд Төрийн албаны зөвлөлийн даргаар ажиллаж байв.

Б.Норовсамбуу агсан төрийн зүтгэлтний замналаа 1992 оноос эхлүүлж, улс төр, намын бодлогыг тусад нь салгах үзэл баримтлалыг санаачлан хэрэгжүүлж, Монгол Улсын Парламентын хөгжилд онцгой хувь нэмэр оруулсан анхны парламентын гишүүн байсан ба 1992 оны УИХ-ын сонгуульд Ховд аймагт МАХН-аас нэр дэвшин, сонгогдож байсан аж.

Тэрээр Төрийн албаны зөвлөлийн анхны даргаар ажиллахдаа төрийн захиргааны албан хаагчдыг тогтвор суурьшилтай ажиллуулах, улс төрөөс ангид байлгах, салбар зөвлөлийн үйл ажиллагааг тогтвортой, боловсронгуй болгоход чиглэсэн олон арга хэмжээг амжилттай хэрэгжүүлсэн шилдэг удирдагч юм.

Түүний гэр бүл, үр хүүхэд, төрөл төрөгсдөд нь гүн эмгэнэл илэрхийлье.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
алдлаатай байна(66.181.177.72) 2022 оны 05 сарын 23

Эхлээд овогыг нь бичиж байснаа дунд нь овогыг нь хураангуй бичихдээ Б болоод явчлаа даа...

0  |  0
Зочин(139.5.218.122) 2022 оны 05 сарын 23

Ум ма ни бад мэ хум

0  |  0
Zochin(66.181.160.116) 2022 оны 05 сарын 23

Odoo cb hun bur l tur niigmiin nert zutgelten noljdee huurhii arhi taraaj alaan bolj shuuheer busdiin edhiig bulaaj avdag arhidan sogtuurch uhaangui tenej yvj turiin ordnii shatan deerees niseed uhdeg hun l tur niigmiin nert zutgelten geel yvj baihiin jinhen tur niigmiin nert zutgelten chini turuu niigemd l baisiin odoo yun yasan uhesniih ni tur niigmiin zutgelten gej turuh hagalgan butargaj turuu uneguiduulj turuus zuvhun azhig honjoo l hardag bolhoos tednii turiin zutgelten gej yu baidiin

1  |  1
Top