Цэвэр агаарын төлөвлөгөө боловсруулах сургалт Эрдэнэт хотод үргэлжилж байна

Азийн хөгжлийн банкны санхүүжилтээр Агаарын чанарыг сайжруулах, мэдлэг үйл ажиллагааг бэхжүүлэх төсөл дэлхийн 7 оронд хэрэгжиж байна.

Уг төсөлд Монгол улс  хамрагдаж байгаа бөгөөд Эрдэнэт хотын цэвэр агаарын төлөвлөгөөний явцын мэдээлэл солилцох 2 өдрийн сургалт зөвлөгөөн болж байна.

Тус зөвлөгөөнд Орчны бохирдлыг бууруулах Үндэсний хорооны төлөөлөл дараах мэдээллийг илтгэл байдлаар танилцуулан оролцож байна.

БОАЖЯ, ОББҮХорооны санхүүжилт, хөрөнгө оруулалтаар 2022 онд Орхон аймагт:

• Агаарын бохирдол ихтэй гэр хорооллын бүсэд Агаарын чанарын суурин харуулын станц суурилуулж, хяналт тавих;
•  1100 айл өрхөд угаарын хийн мэдрэгч болон мэдээлэл дамжуулагч төхөөрөмж суурилуулах;
•  Агаарын бохирдол үүсгэгч томоохон 2 эх үүсвэрийн янданд утааны шүүлтүүр суурилуулах;
• 1000 айл өрхийн нүхэн жорлонг эко ариун цэврийн байгууламжаар шинэчлэх;

 Ногоон зээлийг Хаан, Хас, Төрийн банктай хамтран орчны бохирдлыг бууруулах, ногоон хэрэглээг дэмжих зорилготой хэрэгжүүлж, ААНБ-д 7%, иргэдэд 12-13% хүүний хөнгөлөлт үзүүлэх зөрүүг санхүүжүүлэх,

• Эрчим хүчний хэмнэлттэй цахилгаан халаагуур
• Гэрийн сайжруулсан зуух
• Гэр хорооллын нүхэн жорлон
• Бага оврын цэвэрлэх байгууламж
• Дулаалгын материал
• Хүлэмж
• Сэргээгдэх эрчим хүчний эх үүсвэр
• Хувийн орон сууцыг инженерийн шугам сүлжээнд холбох
• Хийн халаалт зэрэг бүтээгдэхүүний танилцуулга, явцын мэдээллийг хүргэн оролцож байна.