Ерөнхийлөгч У.Хүрэлсүх өнөөдөр Ши Жиньпинтэй албан ёсны хэлэлцээ хийнэ

2022 оны 11 сарын 28

Монгол Улсын Ерөнхийлөгч Ухнаагийн Хүрэлсүх гэргий Лувсандоржийн Болорцэцэгийн хамт Бүгд Найрамдах Хятад Ард Улсад төрийн айлчлал хийхээр 2022 оны 11 дүгээр сарын 27-ны өдөр Бээжин хотноо хүрэлцэн ирлээ.

Монгол Улсын Ерөнхийлөгчийг БНХАУ-ын Гадаад хэргийн дэд сайд Сүнь Вэйдун, Гадаад хэргийн яамны Азийн газрын захирал Лю Жиньсун, Монгол Улсаас БНХАУ-д суугаа Онц бөгөөд Бүрэн эрхт Элчин сайд Т.Бадрал нарын төлөөлөгчид угтав.

Ерөнхийлөгч Ухнаагийн Хүрэлсүх өнөөдөр /2022.11.28/ БНХАУ-ын дарга Ши Жиньпинтэй албан ёсны хэлэлцээ хийнэ. Мөн БНХАУ-ын Төрийн зөвлөлийн Ерөнхий сайд Ли Көчян, Бүх Хятадын Ардын Төлөөлөгчдийн Их Хурлын Байнгын хорооны дарга Ли Жаньшу нар Монгол Улсын Ерөнхийлөгчид бараалхана.

Айлчлалын үеэр “Иж бүрэн стратегийн түншлэлийн харилцааг гүнзгийрүүлэн хөгжүүлэх тухай Монгол Улс, Бүгд Найрамдах Хятад Ард Улсын хамтарсан мэдэгдэл” гаргаж, хамтын ажиллагааны баримт бичгүүдэд гарын үсэг зурна.

Тус улсад хийж буй айлчлал өнөөдөр өндөрлөнө.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ххх (202.9.40.212)  2022 оны 11 сарын 28

Одоо мэдээндээ щи жинь пинь хурэлсухэд бараалхлаа гэж шизотноо

0  |  0
САНАЛ (103.212.117.119)  2022 оны 11 сарын 28

ХҮК, ЭХНЭРТЭЙГЭЭ УЧИРГҮЙ ИХ ИНЭЭСЭН БАЙХ ЮМ, ДИПЛОМАТ УУЛЗАЛТЫН ҮЕД ИХ ИНЭЭХГҮЙ БАЙХ, ТӨВ ЦАРАЙТАЙ БАЙХ НЬ ЗҮЙТЭЙ БАЙДАГ БОЛОВ УУ ГЭЖ БОДОЖ БАЙНА. ДИПЛОМАТ ХАРИЛЦААНЫ ЗӨВЛӨХҮҮД НЬ ЯАЖ ХАРИЛЦАХЫГ ХЭЛДЭГ БАЙЛГҮЙ ДЭЭ.

1  |  1
н (202.179.24.37)  2022 оны 11 сарын 29

яанаа. ямар юманд гарын үсэг зурж балрах болоо. монголыг худолдаж авах хэлэлцээрт гарын үсэг зурчих вий. Хүрэлсүх улс төрийн мэдлэггүй луйвраар гарч ирсэн хүн ш тээ

1  |  2
зочин (59.153.112.151)  2022 оны 11 сарын 28

монгол дээл цаанаа л сэтгэлд дулаахан даа

2  |  0
Top