"Канадаас АНУ руу газрын тос дамжуулах ажлыг сэргээх хэрэгтэй"
АНУ-ын ерөнхийлөгч Доналд Трамп Канадаас АНУ-руу газрын тос дамжуулах Keystone XL хоолойг барих ажлыг сэргээх хэрэгтэй хэмээн үзэж байгаа тухайгаа даваа гарагт "Truth Social" нийгмийн сүлжээнд бичжээ.
“Газрын тос дамжуулах хоолойг барьж дуусгахыг бид хүсэж байна. Барилгын ажлын гүйцэтгэгч Канадын TC Energy компанид төслийг хэрэгжүүлэх зөвшөөрөл олгоход саад учрахгүй тул барилгын ажилдаа шууд орох боломжтой” гэж Трамп тэмдэглэсэн байна. Өмнөх ерөнхийлөгч Жо Байден газрын тос дамжуулах Keystone XL хоолойг барих ажлыг зогсоох шийдвэр гаргасан нь буруу байсан хэмээн Трамп дурдаад уг хоолойг барих ажилд өөр компаниудыг ч татан оролцуулах боломжтой гэж мэдэгджээ.
2016 оны арваннэгдүгээр сард АНУ-ын тухайн үеийн ерөнхийлөгч Барак Обама үндэсний аюулгүй байдлын эрх ашигт нийцэхгүй хэмээн үзэж, Keystone XL төслөөс татгалзаж байгаа тухай зарласан аж. Харин 2017 нэгдүгээр сард Обамагийн халааг авсан Доналд Трамп энэ талаарх өмнөх засаг захиргааны шийдвэрийг цуцлах тухай зарлигт гарын үсэг зурсан юм.
Дараагийн ерөнхийлөгч Жо Байден уг хоолойг барих ажлыг дахин зогсоох тухай зарлиг гаргасантай холбогдуулан TC Energy компани төслөө хааж байгаагаа зарласан ажээ. Энэ төслийн хүрээнд Канадаас АНУ-ын Техас болон Луизиана муж улс дахь газрын тос боловсруулах үйлдвэрүүдэд хоногт 800 мянган торх газрын тос нийлүүлэх 1,9 мянган километр урт хоолой барих ёстой байсан юм.
Холбоотой мэдээ
.png)
Сэтгэгдэл ( 0 )