Цэргийн дэмжлэгт зориулсан санхүүжилтээ зогсоох шийдвэр гаргасанд сэтгэл түгшиж байна

АНУ-ын Засаг захиргаа Балтын тэнгис орчмын орнуудад цэргийн дэмжлэг үзүүлэхэд зориулсан санхүүжилтээ зогсоох шийдвэр гаргасанд тус бүс нутгийн орнууд сэтгэл түгшиж байна гэж Эстонийн Гадаад хэргийн сайд Маргус Цакна мэдэгджээ.

“Энэ асуудал бидний санааг зовоож байгаа хэдий ч бид АНУ-ын Конгресстой харилцаа холбоотой ажиллаж, Балтын тэнгис орчмын орнуудад хөрөнгө оруулж байгаа ам.доллар бүр нь Америкийн эдийн засагт эргэн ордог болохыг тайлбарлаж байгаа. Балтын тэнгис орчмын орнуудад цэргийн дэмжлэг үзүүлэх нь Америкийн хувьд ашигтай хамтын ажиллагаа юм” гэж тэр хэлсэн байна.

Латви, Литва и Эстонийн парламентын депутатууд есдүгээр сарын 11-нд АНУ-ын Конгрессын гишүүдэд хандан Балтын тэнгис орчмын орнуудад цэргийн дэмжлэг үзүүлэхээ зогсоох шийдвэрээ эргэн харахыг хүссэн ажээ. Оростой хил залгаа орнуудын армийг санхүүжүүлэх зарим хөтөлбөрөөсөө АНУ татгалзана гэж Financial Times сонин мэдээлж байсан юм. Үүнд 2018 онд эхлүүлсэн Латви, Литва и Эстонийн армийн санхүүжилтийн хөтөлбөрүүд багтаж байгаа ажээ.