Өчигдөр согтуугаар тээврийн хэрэгсэл жолоодсон 91 зөрчил бүртгэгджээ

Цагдаагийн байгууллагын 102 тусгай дугаарт энэ оны есдүгээр сарын 28-ны өдөр нийт 2048 дуудлага, мэдээлэл бүртгэгджээ. Үүнээс зөрчлийн шинжтэй 528, гэмт хэргийн шинжтэй 113 дуудлага, мэдээлэл байжээ. Мөн залилангийн 13, хүүхэд, гэр бүлийн хүчирхийллийн 52, хулгайн 16 дуудлага бүртгэгдсэн байна.

Тухайн өдөр 98 хүнийг эрүүлжүүлж, согтуугаар тээврийн хэрэгсэл жолоодсон 91 зөрчлийг илрүүлжээ. Цагдаагийн алба хаагчид 3 хэргийг шуурхай илрүүлж, 11 хэргийг нөхөн илрүүлсэн гэж цагдаагийн байгууллагаас мэдээллээ.