Урьд өмнө бүртгэгдсэн 120 хэргийг нөхөн илрүүллээ

Цагдаагийн байгууллагын 102 тусгай дугаарт энэ оны аравдугаар сарын 13-ны өдөр нийт 2236 дуудлага, мэдээлэл бүртгэгджээ. Үүнээс зөрчлийн шинжтэй 604, гэмт хэргийн шинжтэй 129 дуудлага, мэдээлэл байжээ. Мөн залилангийн 29, хүүхэд, гэр бүлийн хүчирхийллийн 70, хулгайн 8 дуудлага бүртгэгдсэн байна.

Тухайн өдөр 103 хүнийг эрүүлжүүлж, согтуугаар тээврийн хэрэгсэл жолоодсон 93 зөрчлийг илрүүлжээ. Цагдаагийн алба хаагчид нэг хэргийг шуурхай илрүүлж, 120 хэргийг нөхөн илрүүлсэн гэж цагдаагийн байгууллагаас мэдээллээ.