ИХН-ын нэр дэвшигчид сонгогчдод дамжуулах мэссэж
- ИХ Нам бол хатуу гишүүнчлэлгүй, хамгийн орчин үеийн нам мөн. Бид ард түмнээ улс төрийн нам нэртэй хэсэг бүлэгт хувааж, намын харъяалалаар нь ялгаварлан гадуурдаг улс төр, нийгэм, соёлын хэв хэмжээг халах улс төрийн хүчин мөн.
- ИХ Намаас нэр дэвшигчид бол УИХ хуралд гишүүнээр сонгогдсон өдрөөсөө эхлэн өөр өөрийн мэрэгшсэн асуудлуудад хамаатай аливаа хуулийг санаачлан боловсруулах, тухайн асуудлуудаар одоо байгаа хуулиудын цоорхойг арилгах өндөр чадвар, мэдлэгтэй боловсон хүчин мөн.
- ИХ Намаас нэр дэвшигчид нь хүний эрх, ардчилал, шударга ёс болон шинжлэх ухааны төрөл бүрийн салбарын асуудлуудаар нарийн мэрэгшсэн үндэсний болон олон улсын түвшинд танигдсан эмэгтэйчүүд мөн.
- ИХ Намаас нэр дэвшигчид нь ёсзүйгүй улс төрийн соёл, уламжлалыг халж чадах хүсэл эрмэлзлэлтэй, иргэний зоригтой улс төрийн хүчин мөн.
- ИХ Нам 2012 оны сонгуульд нэр дэвшигчдийн 90-ээс доошгүй хувийг эмэгтэйчүүдээр бүрдүүлж байгаа нь Монгол улсын улс төрийн амьдралын түүхэнд төдийгүй дэлхий дахинаа дуурсагдах хосгүй үйл явц мөн.
- ИХ Нам нь иргэн хүний эрх, эрх чөлөөг дээдлэх, чөлөөт зах зээлийг нутагшуулах, эзэнгүй эрх орон, нутаг орноо эзэнтэй болгохын төлөө хүчин зүтгэх онол, практик, аргазүйг бодит байдалд хэрэгжүүлэх үндэсний болон орон нутгийн сүлжээг бүрдүүлэн ажиллах чадвартай улс төрийн хүчин мөн.
- ИХ Нам нь хүний эрх, эрх чөлөөний үзэл санаанд суурьласан ардчилал, шударга ёс, хуульт ёсны ашиг сонирхолыг нийгмийн амьдралд бодитой хэрэгжүүлэх бүхий л боломжийг улс төр, эдийн засаг, нийгэм, соёлын хүрээнд амьдруулахын төлөө ажиллана.
- ИХ Нам нь нийт иргэдийг аливаа ялгаварлан гадууралтгүйгээр ажиллаж хөдөлмөрлөх, шударга хөдөлмөрөөрөө олсон цалингаараа сэтгэл хангалуун амьдрах чөлөөт зах зээлийн орчныг бүрдүүлэх эрхзүй, эдийн засгийн бүх түвшины арга хэмжээг авч хэрэгжүүлэхээр хосгүй арга замуудыг санал болгож байгаа улс төрийн хүчин мөн
- ИХ Нам нь эцэг өвгөдөөс өвлүүлсэн Монгол улсынхаа тусгаар тогтнол, газар нутгийн бүрэн бүтэн байдал, унасан газар, угаасан усаа хайрлан хамгаалах иргэдийн тэмцлийг эрхзүй, хуулийн үр дагавартай болгох улс төрийн хүчин мөн.
- ИХ Нам нь эмэгтэйчүүдийн хүний эрх, хүний эрх, ардчилал, иргэний нийгмийн хөгжлийн үзэл санаа, тулгуур зарчим, үнэт зүйлсийг тээгчдийн нам мөн.
Холбоотой мэдээ
Copyright © 2010 - 2026 Zindaa.mn Developed by mCast LLC
Сэтгэгдэл ( 0 )