”Энигма” компани аялал жуулчлалын замын ажлыг зогсоохоор шүүхэд ханджээ
Нийслэлийн төсвийн хөрөнгөөр 2017 онд Богдхан уулын дархан цаазат газарт Аялал жуулчлалын зориулалттай 2605 км автозамыг барихаар төлөвлөсөн. Богд хан ууланд нийслэлийн иргэдийн аялах, амрах зориулалттай явган аяллын 3 чиглэл байгаагаас хамгийн том нь Зайсан-Дугуйцагаан-Баруун ширээтийн аяллын чиглэл юм. Амралтын өдрүүдээр тус чиглэлд 5000- 10 000 иргэн аялдаг бөгөөд түүнийг дагаж 300-450 автомашин Зайсангийн аманд бөөгнөрөл үүсгэдэг байна. Тус замд 1975 онд баригдсанаас хойш засвар шинэчлэл хийгээгүй бөгөөд зориулалтын зам, тохижилт байхгүйгээс иргэд хог хаях, замгүй газраар зорчих, ил задгай бие засах зэргээр байгаль орчныг бохирдуулж байгаа тул зориулалтын зам барихаар шийдвэрлэсэн юм.
НЗДТГ, БОАЖЯ-тай хамтран Зайсангийн аяллын замын эхний 3 га газарт нийт 264 авто машины зогсоол, 60 дугуйны зогсоол, автобус, таксины зогсоолын цогцолбор байгуулж, Улсын баяр наадмаас өмнө ашиглалтад оруулахаар төлөвлөсөн байв. Гэтэл тус газрыг 5 жилийн хугацаатай ашиглах лицензтэй “Энигма” групп аялал, жуулчлалын замын ажлыг зогсоохоор шүүхэд ханджээ. Ингээд нийслэлийн Захиргааны хэргийн 20 дугаар шүүхээс “Аялал жуулчлалын зам”-ын ажлыг түр түдгэлзүүлэх шийдвэр гаргасан байна гэж нийслэлийн Автозамын хөгжлийн газраас мэдээллээ.
Холбоотой мэдээ
Сэтгэгдэл ( 1 )
ТӨР ЗАСГИЙН ШИЙДВЭР МАШ ЗӨВ, МАРГАСАН БОЛЖ ЦАГ АЛДУУЛЖ БАЙГАА НЬ БУРУУ, ТӨР УГААСАА ШИЙДВЭРЭЭ ШУУД ХЭРЭГЖҮҮЛЭХ ХЭРЭГТЭЙ, АМЖИЛТ, АЛЬ Ч ТӨР ЗАСАГ ИРГЭДИЙН ЭРХ АШГИЙГ 1-РТ ТАВЬДАГ ЖАМТАЙГ ЭНЭ ЭНИГМА ГЭДЭГ ГАДААД НЭРТЭЙ КОМПАНИ ОЙЛГОВОЛ ЗОХИЛТОЙ ШҮҮ, НИЙСЛЭЛЧҮҮД ТӨР ЗАСГИЙН ШИЙДВЭРЭЭ 100 ХУВЬ ДЭМЖИЖ, АМЖИЛТ ХҮСЬЧ БАЙНА.