Наадмын хуушуур хийх эрхийг зөвхөн аж ахуйн нэгжүүдэд олгоно

Автор | Zindaa.mn
2017 оны 06 сарын 16

Үндэсний их баяр наадмаар хоол үйлдвэрлэл, худалдаа үйлчилгээний зөвшөөрөл хүссэн материалыг өнөөдрөөс энэ сарын 27-ныг хүртэл дүүргүүдийн ЗДТГ-ын Хүнс, худалдаа, үйлчилгээний хэлтэст хүлээн авахаар болжээ. Өнгөрсөн жилүүдэд худалдаа эрхлэх зөвшөөрлийг зөвхөн аж ахуйн нэгжүүдэд олгодог байсан бол энэ оноос иргэдэд ч өгөх болсон байна. Ингэхдээ худалдаа эрхлэх хүсэлт ирүүлсэн иргэдийн борлуулах бүтээгдэхүүнд шинжилгээ хийх аж. Харин хуушуур борлуулах зөвшөөрлийг зөвхөн аж ахуйн нэгжүүдэд олгох юм.

Наадмын үеэр Төв цэнгэлдэх хүрээлэн болон Хүй долоон худагт НМХГ-ын явуулын лаборатори, мэргэжлийн хяналтын байцаагчид ажиллаж, худалдаа, үйлчилгээ эрхлэгчдэд тогтмол хяналт тавих юм. Зөвшөөрөлгүй худалдаа эрхэлсэн иргэн, аж ахуйн нэгжийн бүтээгдэхүүнийг хураан авч, хуулийн дагуу торгууль ногдуулах юм байна.

С.Баяр

Эх сурвалж: ZINDAA.MN

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Az (66.181.180.22)  2017 оны 06 сарын 16

Zuv, irgediinkhee eruul mended kheregtei shiidver bn

0  |  0
Зочин (66.181.160.18)  2017 оны 06 сарын 16

Зев буух эзэн буцаххаягтай

0  |  0
Top