Секс хүүхэлдэйтэй гэр бүл болжээ

АНУ-ын Мичиган мужид амьдардаг уг залууг ойр дотны хүмүүс нь "Davecat" хэмээн хочилдог бөгөөд тэрээр гурван секс хүүхэлдэйтэй гэрлэсэн нэгэн юм. Түүний эхнэрүүд болох Сидоре Куронеко, Муриел, Элена нар нь түүнийг энэ хорвоо ертөнц дээрх хамгийн аз жаргалтай эр хүн болгодог хэмээн тэрээр хэлж байжээ. Түүнчлэн "Тэд хэдийгээр амьсгалж чадахгүйгээс гадна оюун ухаангүй ч гэлээ, би тэдэнд хэнээс ч илүү хайртай" гэж өөрийн секс хүүхэлдэйнүүдээрээ бахархан хэлэх дуртай аж. Cонирхуулахад, сүүлийн үед Япон улсад секс хүүхэлдэйтэй гэр бүл болох нь ихсэж байгаа гэнэ.

 Техник технологи өндөр хөгжихийн зэрэгцээ сүүлийн жилүүдэд "Секс хүүхэлдэй"-г яг хүн шиг үйлдвэрлэх болсон гэнэ. Мэдээж хэрэг секс хүүхэлдэйгээ олон нийтийн газар авч явах нь бусдыг садар самуунд уруу татсан гэмт үйлдэл болох учраас дэлхийн олон улс орнуудад хориглодог байна. Харин эрх чөлөөний эх орон гэгддэг АНУ-д хуулиараа секс хүүхэлдэйгээ хаана ч авч явж, болох бөгөөд энэ нь хувь хүний эрхийн асуудал гэж үздэг ажээ. 

 Секс хүүхэлдэйг хүмүүсийн дийлэнх нь бэлгийн дур хүслээ хангах зорилгоор худалдаж авдаг нь нууц биш юм. Гэвч ганцаардсан, уйтгар гунигт автсан, хүмүүстэй харилцаж, холбоо тогтоохоос залхсан хүмүүс ч гэсэн секс хүүхэлдэйг худалдаж авч, зөвхөн найз нөхдийн харилцаатай байхыг эрхэмлэдэг байна. Тэдгээр хүмүүсийн үзэж байгаагаар хүнээс илүү секс хүүхэлдэй өөрсдийг нь маш сайн ойлгодог гэнэ. Хамгийн үнэтэй секс хүүхэлдэй 10.000 доллар буюу монгол төгрөгөөр бол 20 гаруй сая төгрөгийн үнэтэйгээр борлуулагддаг гэсэн мэдээлэл бий. Үүгээр ч зогсохгүй манай урд хөрш Хятадад секс хүүхэлдэйний түрээсийн үйлчилгээний бизнес хүчээ аваад байгаа гэнэ.

С.Баяр

Эх сурвалж: Zindaa.mn