ДАРХАН-УУЛ: ​Гэрлэх ёслолын өргөөний засвар хийгдэж байна

Автор | Zindaa.mn
2018 оны 12 сарын 28
     Дархан-Уул аймгийн Засаг даргын 2017-2020 оны үйл ажиллагааны хөтөлбөрт тусгагдсан томоохон ажлын нэг нь гэрлэх ёслолын өргөө юм. Тиймээс энэ ажлыг эрчимжүүлэх хүрээнд Улсын болон аймгийн төсвийн хөрөнгө оруулалтаар Дархан хотын соёл амралтын хүрээлэнгийн дэргэд байрлах Гэр бүл, хүүхэд залуучуудын хөгжлийн газарт Гэрлэх ёслолын өргөөг байгуулахаар болжээ. Монгол ёс заншил хэв шинжийг агуулсан гэрлэх ёслолын өргөөг байгуулах ажил дотоод засал чимэглэлийг хийх шатандаа явагдаж байгаатай аймгийн Засаг дарга С.Насанбат өчигдөр танилцлаа.
     Барилгын дотоод заслын ажлыг бүрэн хийж гүйцэтгэхээс гадна гаднах автомашины зогсоолыг тэлэх, тус хэсгийн гаднах зам талбайг ч засаж шинэчлэх ажлыг хийх юм байна. Энэхүү ажил сар шинийн босгон дээр бүрэн дуусаж залуу хосууд аймагтаа хуримын ёслолоо хийх боломжтой болох ажээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Иргэн (59.153.87.171)  2018 оны 12 сарын 28

Хаана тэр вэ?Исүсийн байранд уу?

0  |  0
Top