ДАРХАН-УУЛ: Үндэсний үйлдвэрлэлээ дэмжихийг уриаллаа
Монголын уламжлалт сар шинийн баяраараа аймагтаа үйлдвэрлэгдсэн бүтээгдэхүүнийг хэрэглэх уриалгыг төр, төрийн бус байгууллага, иргэд хамтран гаргаж байна. Өнөөдөр /2019.01.29/ Дарханд үйлдвэрлэл үйлчилгээ эрхлэгчдийн нэгдсэн холбоо, Дарханд үйлдвэрлэв дэлгүүр, төрийн байгууллага, иргэдийн хамтаар хэвлэлийнхэнд мэдээлэл өглөө. Дарханд үйлдвэрлэв дэлгүүр гурван жил тасралтгүй үйл ажиллагаа явуулж байгаа бөгөөд өнгөрсөн хугацаанд өрхийн болон жижиг дунд үйлдвэрлэл эрхлэгч 150 орчим үйлдвэрлэгчдийн 500 нэр төрлийн 7000 гаруй бараа бүтээгдэхүүнийг 250 сая төгрөгөөр дотоод тэр дундаа Дархан-Уул аймагтаа борлуулжээ.
Өрхийн үйлдвэрлэл болон жижиг дунд үйлдвэрлэл эрхэлж байгаа Дарханыхаа үйлдвэрлэгчдээс худалдан авалтыг хийн дотооддоо мөнгөн урсгалаа эргэлдүүлэхийг нийт Дарханчууддаа уриалж байна гэсэн юм.
Холбоотой мэдээ
Сэтгэгдэл ( 0 )