ДАРХАН-УУЛ: Агаарын бохирдлыг хэмжих тоног төхөөрөмжтэй боллоо

Дархан-Уул аймгийн Засаг даргын 2017-2020 оны үйл ажиллагааны хөтөлбөрт тусгагдсан агаар, орчны чанарын төлөв байдлын мэдээллийг шуурхай хүргэж, агаарын чанар, бохирдлын хэмжээнд тогтмол тавих хяналтыг сайжруулах зорилтын хүрээнд эхний ээлжид өчигдөр /2019.01.30/ Ус цаг уур орчны шинжилгээний төвд агаар, хөрсний бохирдлыг хэмжих тоног төхөөрөмжүүд нийлүүлэгдлээ.

Нийтдээ есөн төрлийн багаж хэрэгсэл байгаа бөгөөд агаарыг бохирдуулагч том, жижиг ширхэгтэй тоосонцруудыг нэгэн зэрэг явуулын болон суурин байдлаар хэмжиж, газар дээр нь хариуг гаргах давуу талтай юм байна. Мөн тус төвийн лабораторит хөрсний шинжилгээ хийх тоног төхөөрөмжүүд ч нийлүүлэгдэж цаашид энэ чиглэлээр шинжилгээ хийн итгэмжлэлийн хүрээгээ нэмэгдүүлэх боломж бүрджээ.