МХЕГ: Шатахуун асгарсантай холбоотойгоор “Ихэр наран” ХХК-д үүрэг өгөв
Хэнтий аймгийн Хэрлэн сумын VI багийн нутаг, аймгийн төвөөс 8 км газарт өчигдөр /2019.02.13/ Улаанбаатараас Батноров сум руу “Ихэр наран” компанийн шатахуун тээвэрлэж явсан иргэн А-гийн SsangYong маркын 23,5 тонны багтаамжтай ачааны автомашин замын хажуу руу унасан байна гэх мэдээллийн дагуу аймгийн Мэргэжлийн хяналтын газраас газар дээр нь ажиллажээ.
Тус автомашин А-80, АИ-92, Дизель түлш тус тус тээвэрлэж явсан ба үүнээс А-80 72 литр, АИ-92 4000 литр буюу нийт 4072 литр шатахуун асгарсныг хэмжилт хийж тогтоон, аймгийн Онцгой байдлын албан хаагчидтай хамтран гал түймрээс урьдчилан сэргийлэх, аюулгүй болгох ажлыг зохион байгууллаа.
Шатахуун асгарсан газрын өнгөн хөрсийг хуулж, аймгийн төвлөрсөн хогийн цэгт асгуулж, хуссан хэсэгт хар шороо дэвсэн, цэвэрлэгээ хийлгэжээ.
Газрын хөрсөнд түлш шатахуун нэвчих, уурших зэргээр орчны аюулгүй байдлыг алдагдуулах магадлал байгаа тул “Ихэр наран” ХХК-ийг өөрийн зардлаар түлш шатахуун асгарсан газрын хөрсийг цэвэрлэх, орчны бохирдлыг бууруулж, аюулгүй байдлыг хангах арга хэмжээ авч ажиллахыг үүрэг болгов.
Холбоотой мэдээ
Сэтгэгдэл ( 2 )
1992-оны үед орсын хилээр гараад наушкид наймэа хийж орос айлд байж бараагаа зарж хонож өнжөөд явж байхад гүний худгаас авсан ус нь нил бинзен амтагдаг байж билээ. 1960-оны үед бинзентэй машин онхолдоод бинзен асгараад газрын гүнд нэвччихсэн гэж орос эмээ ярьж байсан санагдаж байна. Зөөврийн ус авч уудаг байлаа.
shuurhai ajillasan baina lee