ГОВЬ-АЛТАЙ: Дөрвөн суманд автомашины парк шинэчлэл хийгдлээ

Орон нутгийн тѳсвийн хѳрѳнгѳ оруулалтын 136.0 сая тѳгрѳгийн санхүүжилтээр Говь-Алтай аймгийн Бигэр, Бугат, Тонхил, Шарга сумын Засаг даргын Тамгын газрын автомашины парк шинэчлэлтийг хийлээ. УАЗ ХАНТЕР маркийн автомашиныг аймгийн Засаг дарга С. Гансэлэм, аймгийн Засаг даргын орлогч Ж.Ганбат, аймгийн Засаг даргын Тамгын газрын дарга Ч.Бат-Эрдэнэ нар сумын удирдлагуудад хүлээлгэж ѳглѳѳ.

Өнгөрсөн 2018 оны улсын тѳсвийн 141.8 сая тѳгрѳгийн санхүүжилтээр Алтай, Баян-Уул, Дарив, Дэлгэр, Жаргалан сумын Засаг даргын Тамгын газарт УАЗ ХАНТЕР маркийн автомашин нийлүүлж, парк шинэчлэлт хийсэн байна.