ХЭНТИЙ: "Тэнгэрийн хаан" аялал жуулчлалы цогцолбор байгуулна

Л.Болд | Zindaa.mn
2019 оны 05 сарын 09

Ерөнхий сайдаар ахлуулсан яам, тамгын газрын дарга нар, Хэнтий аймгийн удирдлагууд өнөөдөр Дадал суманд ажиллаж байна. Ерөнхий сайд У.Хүрэлсүх "Эзэн Чингис хааны өв судлалын хүрээлэн" улсын статустай байгуулж, БОАЖЯ-нд хамааруулж буйг онцоллоо. Мөн "Чингис хот- Дадал сум"-ын чиглэлд хатуу хучилттай зам тавигдаж, түүхэн аялал жуулчлалын бүс нутаг болсон учраас хөгжил цэцэглэлт явагдаж, эдийн засаг нэмэгдэнэ. Гэхдээ хөгжлийг дагаж сайн сайхнаасаа гадна сөрөг зүйл ч гарна. Тиймээс Дадал сумынхан байгалиа хамгаалахад эртнээс анаарах хэрэгтэйг санууллаа. Түүнчлэн дадалчуудад сумандаа тулгамдсан инженерийн шугам сүлжээний зураг төсөл, ТЭЗҮ-г Засгийн газарт ирүүлвэл анхаарч ажиллахаа илэрхийллээ.

Дадал суманд Азийн хөгжлийн банkны санхүүжилтээр "Тэнгэрийн хаан" түүхэн аялал жуулчлалы цогцолбор 19 сая.ам долларын хөрөнгө оруулалтаар, сумын ЗДТГ-ын барилга нэг тэрбум төгрөгөөр, Онон голын төмөр бетонон гүүр 2.4 тэрбум төгрөгөөр, дотуур байр 1,5 тэрбум төгрөгөөр баригдах бөгөөд Норовлин-Дадал сумын 64 kм шилэн kабелийн шугам татах ажил 320 сая төгрөг улсын төсөвт суусныг дуулгаж, сумын асуудлыг цогцоор шийдвэрлэсэн бүтээн байгуулалт, хөрөнгө оруулалтыг хийгдэж буйг ЗГХЭГ-ын дарга Л.Оюун-Эрдэнэ чухалчлав. Tүүхэн аялал жуулчлалын хөрөнгө оруулалтын үнэлгээг Азийн хөгжлийн банk зургаан сарын хугацаанд хийх аж.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top