МАН-ын Бага хурал хойшилжээ

МАН-ын Бага хурал өнөөдөр /2019.05.28/ хуралдаж, Хэнтий аймагт болох 42 дугаар тойрогт өрсөлдөх нэр дэвшигчээ тодруулах товтой байсан. Харин өчигдөр хуралдсан Үндсэн хуулийн Цэцийн дунд суудлын хуралдааны шийдвэртэй холбогдуулан МАН-ын Бага хурал тодорхойгүй хугацаагаар хойшилсон гэх мэдээлэл байна.

Үндсэн хуулийн Цэцийн дунд суудлын хуралдаанаас Д.Гантулгыг УИХ-ын гишүүнээс чөлөөлсөн нь Үндсэн хууль зөрчөөгүй боловч УИХ-аас Хэнтий аймгийн 42 дугаар тойрогт нөхөн сонгууль товлон зарлахдаа Үндсэн хууль зөрчсөн гэж үзсэн билээ.

Үндсэн хуулийн Цэцийн дунд суудлын хуралдааны шийдвэрийг УИХ-д хүргүүлснээс хойш ажлын 15 өдрийн дотор хэлэлцэн шийдвэрлэх учиртай юм.