ӨВӨРХАНГАЙ: Гадаад хэл, урлагийн төрөлжсөн “Тэмүүлэл” сургууль байгуулагдлаа

Автор | Zindaa.mn
2019 оны 06 сарын 12

Өвөрхангай аймгийн Засаг даргын захирамжаар Арвайхээр сумын Цэцэрлэг, бага сургуулийн цогцолборын бүтэц хэв шинжийг өөрчлөн ерөнхий боловсролын “Тэмүүлэл” сургуулийг байгуулахаар шийдвэрлэсэн байна. Шинээр байгуулагдаж буй “Тэмүүлэл” сургууль нь гадаад хэл, математикийн гүнзгийрүүлсэн, урлагийн төрөлжсөн сургалттай хичээллэх бөгөөд 2019-2020 оны хичээлийн жилд 1-5 дугаар ангид, 2020 оны нэгдүгээр сараас дунд, ахлах ангидаа тус тус элсэлт авах юм.

Тус сургуульд суралцах сонирхолтой 1-5 дугаар ангийн сурагчдын бүртгэлийг өнөөдөр эхлэн  энэ сарын 13, 14-ний өдөр зохион байгуулж, элсэлтийн шалгалтыг зургаадугаар сарын 15-ны 10:00 цагт Цэцэрлэг, бага сургуулийн цогцолборт тус тус зохион байгуулах юм.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top