ДОРНОД: Соёлын өв тээгч нарт батламж гардуулав

Дорнод аймгийн иргэдийн тѳлѳѳлѳгчдийн хурлаас батлагдсан "Соёл урлагийн салбарын хѳгжлийг дэмжих хѳтѳлбѳр" энэ сарын 21, 22-ний ѳдрүүдэд Чойбалсан хотноо зохион байгуулагдаж байгаа юм. Тус арга хэмжээний төгсгөлд Тусгаар тогтнолын талбайд өв тээгч, өвлөн уламжлагчид өөрсдийн хийсэн гар урлал, уран дархан, арьс шир, мод чулуугаар хийдэг бүтээлүүдээ үзүүлэн иргэдэд зааж сурган сумдын ардын авьяастнууд урлагийн тоглолтоо толилууллаа. Аймгийн Засаг даргын орлогч Ш.Ёл, аймгийн удирдлагууд арга хэмжээний үеэр соёлын өв тээгч нарт 100 гаруй батламжийг гардуулан өгсөн юм.

Энэхүү арга хэмжээнд Дашбалбар сумаас хамгийн залуу өв уламжлагч М.Намуунбайгал /12 настай/, Баянтүмэн сумын өндөр настан, өв уламжлагч Ч.Жамсранжав /80 настай/ нар оролцож байгаа бөгөөд нийт 140 гаруй өв тээгч, өвлөн уламжлагч, соёлын ажилтнуудын төлөөлөл оролцлоо.