Чуулган: Зөвшилцлийн ажлын хэсэг байгуулна

УИХ-ын ээлжит бус чуулганы өнөөдрийн /2019.07.18/ хуралдаанаар Монгол Улсын Ерөнхийлөгчөөс өргөн барьсан Үндсэн хуульд оруулах нэмэлт, өөрчлөлтийн төсөл, саналтай холбогдуулан зөвшилцлийн ажлын хэсэг байгуулах товтой байна. Чуулганыг 15:00 цагт зарласан бөгөөд “Ажлын хэсэг байгуулах тухай” УИХ-ын тогтоолын төсөл, “Монгол Улсын Үндсэн хуульд оруулах нэмэлт, өөрчлөлтийн төслийг хэлэлцүүлэгт бэлтгэх хугацаа тогтоох тухай” УИХ-ын тогтоолын төслийг батлах юм.

Харин чуулганы хуралдаанаас өмнө дээрх асуудлуудыг УИХ-ын Төрийн байгуулалтын байнгын хороогоор хэлэлцэхээр төлөвлөжээ.