ДОРНОД: Хувийн хэвшлийн эмнэлгүүд хандив өргөлөө

Л.Болд | Zindaa.mn
2020 оны 03 сарын 09

Коронавирусний халдвараас урьдчилан сэргийлэх ажилд зориулж Дорнод аймгийн Онцгой комисст орон нутгийн албан байгууллага, аж ахуйн нэгж, хувь хүмүүс сайн дурын хандив өргөсөөр байна.

Хувийн хэвшлийн Эрүүл мэндийн холбооны Дорнод салбарын 25 эмнэлэг, эрүүл мэндийн байгууллагууд  өнөөдөр /2020.03.09/ 2.9 сая төгрөг, нэг удаагийн маск 200 ширхэг, ариутгагч бодис, хөвөн, биск зэргийг аймгийн Онцгой комисст гардуулан өглөө.

Мөн Г.Отгонбаатар захиралтай Алтангадас одонт Дорнод Бүсийн эрчим хүчний систем Төрийн өмчит хувьцаат компанийн хамт олон 4.6 сая төгрөгийг гардуулан өглөө.

Дашрамд дурдахад, ДБЭХС ТӨХК-ний хамт олон Эрчим хүчний яамаар дамжуулан Улсын Онцгой комисс 20 сая төгрөгийг хандивласан байна.  

Dornod.gov.mn 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top