Дэлхий дахинд нэг шөнийн дотор 203 хүн нас баржээ
Дэлхийн эрүүл мэндийн байгууллагын мэдээлснээр дэлхий дахинд нэг шөнийн дотор коронавирусний халдварын 4125 шинэ тохиолдол бүртгэгджээ.
Тэгвэл нэг шөнийн доторх нас баралтын тоо 203 байжээ. Дэлхий дахинд нийт 113.7 мянган хүн шинэ төрлийн коронавирусний халдвараар өвчлөөд байна. Эдгээрийн дийлэнх нь буюу 80.9 мянган хүн энэхүү аюулт өвчин анхлан гарсан Хятадад, бусад нь өөр өөр оронд байна.
Коронавирус нь халдвартай өвчтөн ханиах, найтаах үед амьсгалын замаар цацагдсан шүлс, шингэний дусал туссан гадаргуу дээр хэд хоног амьдрах чадвартай болохыг эрдэмтэд тогтоосон. Вирус +37 хэмд шил, даавуу, төмөр, хуванцар болон цаасан гадаргуу дээр хоёроос гурав хоногийн турш амьдрах чадвартай аж.
Иргэд та бүхэн гараа тогтмол угааж, олон нийтийн газар, ялангуяа тээврийн хэрэгсэл зэрэг битүү орчинд явахдаа заавал амны хаалт зүүгээрэй.
Холбоотой мэдээ
