АНУ Иракаас цэргээ гаргаж байна

АНУ Ирак дахь цэргийн хүчээ багасгаж байна. Энэ талаар Америкийн Төрийн департаментын сайтад гарсан мэдэгдэлд өгүүлжээ. Мэдэгдэлд “Аюулгүй байдлын хамтын ажиллагааны хүрээнд сүүлийн саруудад “Исламын улс” зэвсэгт бүлэглэлийн аюулыг арилгах тал дээр ахиц дэвшил гарсантай холбогдуулан Ирак дахь цэргийн тоогоо цөөлж, тус улсын Засгийн газартай үлдэх хүчний статусын талаар ярилцана” гэсэн байлаа.

Америкийн дипломатууд АНУ Иракийн үйл хэрэгт байнга оролцохгүй гэжээ. АНУ-ын Төрийн нарийн бичгийн даргын Ойрх Дорнодын асуудал эрхэлсэн туслахын орлогч Жоуи Худ өнгөрсөн нэгдүгээр сард АНУ Иракаас цэргээ гаргаж байгаа нь олон улсын бүх цэргийн эвсэл тус улсаас явж, террорист бүлэглэл “Исламын улс”-ын үйл ажиллагаа идэвхжихэд хүрч магадгүй гэж мэдэгдэж байсан билээ.