ЗГХЭГ-ын дарга Л.Оюун-Эрдэнэ Канадын Элчин сайдтай уулзав

2020 оны 10 сарын 27

Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ  Канад Улсаас Монгол Улсад суугаа Элчин сайд Кэтрин Ивкофыг хүлээн авч уулзав. Гуравдагч хөрш, хамгийн том хөрөнгө оруулагч Канад Улстай уул уурхай, хөдөө аж ахуйн салбарт харилцаа, хамтын ажиллагаа эрчимтэй хөгжиж байгааг сайд Л.Оюун-Эрдэнэ тэмдэглэв. Мөн төрийн албан хаагчдыг чадавхжуулах, жендерийн оролцоо, эрх тэгш байдлыг хангах зэрэг олон чиглэлээр хамтран ажиллаж байгаад талархал илэрхийлэв. Ардчилал, хүний эрх, эрх чөлөөг дээдлэх гээд ижил төстэй зүйл олонтой Монгол Улсын эдийн засгаа хөгжүүлж, тогтвортой хөгжлийг хангах зорилтыг дэмжиж байгаагаа Элчин сайд Кэтрин Ивкоф тэмдэглэв. Мөн дэлхий нийтийг хамраад байгаа Ковид-19 цар тахлаас урьдчилан сэргийлэх чиглэлээр Монгол Улсын Засгийн газар, холбогдох байгууллагуудын хийж байгаа ажил үр дүнд хүрч байгааг хэлэв.

Канадын тал Монгол Улсад иргэн төвтэй төрийн албыг бэхжүүлэх, эрдэс баялгаас олсон орлогыг үр ашигтай зарцуулах, эмэгтэйчүүдийн эдийн засгийн эрх мэдлийг нэмэгдүүлэх, жендерт суурилсан хүчирхийлэлтэй тэмцэх зэрэг төсөл, хөтөлбөр хэрэгжүүлж байгааг дурдав. Уулзалтын үеэр худалдаа, эдийн засгийн харилцааг эрчимжүүлэх, нэр бүхий салбаруудын хамтын ажиллагааг улам идэвхжүүлэх, хөгжлийн төсөл, хөтөлбөр хэрэгжүүлэх талаар санал солилцлоо.

 

Эх сурвалж: zasag.mn

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
йыө(66.181.168.8) 2020 оны 10 сарын 28

хэзээнээс манайд Канадын ЭСЯ-тай болсон юм бэ, хэдэн жилийн өмнө хүү маань виз хүсээд Бээжин рүү материал явуулаад байсан, 2 ч удаа явуулаад 1 сая гаран төгрөгний зардал гаргаад виз гүй хоцорсон доо, виз өгөөгүй шалтгаанаа хэлэхгүй, дахиж хандаж болно гэдэг, дахиж хандахаар бас л өгдөггүй, дахиж хандаж болно гэдэг балай газар байсан

0  |  0
Гр(122.201.22.186) 2020 оны 10 сарын 28

Виз өгдөггүй элчингээс яах вэ дээ.

0  |  0
мундаг,манлай,гоц за(192.82.75.227) 2020 оны 10 сарын 27

Оюун-Эрдэнэ үнэхээр их гоё байна аа.Маргаашнаас захидалд дарагдах байх аа кккк

0  |  0
Top