Эверестээс цуглуулсан хогоор урлагийн бүтээл хийнэ

Я.Болор | Zindaa.mn
2021 оны 01 сарын 23

Балбад Эверестээс цуглуулсан хог хаягдлаар урлагийн бүтээл хийж, үзэсгэлэн гаргана. Ингэснээр Дэлхий хэмээх гарагийн ноён оргилын бохирдлын асуудалд олны анхаарлыг хандуулахыг зорьж байна.

Түүнчлэн ийм замаар төслийг санаачлагчид нутгийн иргэдийг ажлын байр, нэмэлт орлоготой болгоно гэж найдаж байна. Учир нь тэдэнд хог хаягдлыг ашиглан урлагийн бүтээл хэрхэн хийхийг зааж, сургах гэнэ.

Энэхүү үйл ажиллагааг эрхлэх “Сагармата” уран сайхны төвийг Эверестийн үндсэн бааз руу хөтөлдөг Сянгбоче гол зам дээр 3780 метрийн өндөр байгуулаад байна. Төслийн захирал Томми Густафссоны хэлснээр, гаднын болон нутгийн уран бүтээлчдийг энэхүү төсөлд хамруулах бөгөөд тэд нутгийн иргэдэд хог хаягдлыг  хэрхэн үнэт зүйл болгон хувиргахыг заах гэнэ. 

Түүнчлэн, эдгээр бүтээлүүдийг бэлэг дурсгал болгон борлуулах бөгөөд орлогыг бүс нутгийг хамгаалахад зориулна гэж Густафссон ярьжээ.


 

 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Хог (202.179.25.246)  2021 оны 01 сарын 24

Монголд гайхмаар хог хаягдал их байна. Миний мэдэхээр Ургах наран хорооллын хогийн 2 цэгийг ирээд үзээрэй хүмүүс ээ. Тэнд гайхамшгийг үзэж болно. Энэ хорооллын СӨХ,Орон сууцны контор, оршин суугаа айл өрх, иргэдийн хамтын бүтээлээр уг гайхамшгийг бүтээсэн байна.

0  |  0
Top