Туркменистаны Ерөнхийлөгч Шилдэг нохойнд медаль гардуулна
Туркменистаны Ерөнхийлөгч Гурбангулы Бердымухамедов дундад азийн овчарк нохой алабайд тун дуртай эрхэм. Энэ жил тэрээр “Алабай нохойн өдөр” гэдэг албан ёсны баяртай болох зарлиг гаргасан.
Энэ баяраар Шилдэг алабай нохой шалгаруулах уралдаан зохион байгуулах бөгөөд түрүүлсэн нохойд “Оны шилдэг алабай” цол, медаль олгох юм.
Энэ сарын 28-нд болсон засгийн газрын онлайн хуралдаанаар Шадар сайд Эсенмырат Оразгельдыев Ерөнхийлөгчид медалийн загварыг танилцууллаа. Гурбангулы Бердымухамедов загварыг баталсан байна.
Өнгөрсөн оны 11 дүгээр сард Ерөнхийлөгч Гурбангулы Бердымухамедов нийслэл Ашхабад хотод дундад азийн овчарк нохой алабайд зориулан, 15 метр алтан хөшөө босгож байсан билээ.
Гадаадын хүндэт зочдодоо ч энэ үүлдрийн нохй бэлэглэдэг уламжлалтай. 2017 онд тэр ОХУ-ын Ерөнхийлөгч В.Путинд гөлөг бэлэглэсэн.
Холбоотой мэдээ
Сэтгэгдэл ( 2 )
Manai chuluun hoorog, hurdnii mori gedegtei utga ijil yumuu daa. Hiij chaddag yumgui ard olon gej hetsuu yum da, dandaa neg belen mer ser yumaaraa l gaihuulj suuhaas oor yhv
medrel