Ёс зүйн алдаа гаргасан УИХ-ын гишүүнийг ЦАЛИНГИЙН 20 ХУВИАР ТОРГОХ төслийг өргөн барилаа

Б.Эрхэс | Zindaa.mn
2021 оны 03 сарын 24

Улсын Их Хурлын гишүүн Б.Бат-Эрдэнэ, С.Бямбацогт, С.Ганбаатар, Н.Ганибал, Б.Энх-Амгалан нарын гишүүдийн санаачлан боловсруулсан “Монгол Улсын Их Хурлын гишүүний ёс зүйн дүрэм”-ийг шинэчлэн батлах тухай Улсын Их Хурлын тогтоолын төслийг Улсын Их Хурлын Ёс зүй, сахилга хариуцлагын байнгын хорооны дарга Б.Бат-Эрдэнэ Улсын Их Хурлын дарга Г.Занданшатарт өргөн барилаа.

2009 онд УИХ-ын 34 дүгээр тогтоолоор ‘Улсын Их Хурлын гишүүний ёс зүйн дүрэм"-ийг батлан мөрдөж иржээ.

УИХ-ын даргын 2020 оны арван нэгдүгээр сарын 6-ны өдрийн 45 дугаар захирамжаар “Монгол Улсын Их Хурлын гишүүний ёс зүйн дүрэм”-ийн шинэчилсэн найруулгын төслийг боловсруулж, УИХ-ын тогтоолын төслийн хамт өргөн мэдүүлэх үүрэг бүхий ажлын хэсгийг УИХ-ын гишүүн Б.Бат-Эрдэнэ, С.Бямбацогт, С.Ганбаатар, Н.Ганибал, Л.Энх-Амгалан нарын бүрэлдэхүүнтэйгээр байгуулж, ажлын хэсгийн ахлагчаар Б.Бат-Эрдэнийг томилсон байна.

Ажлын хэсэг дүрмийн шинэчилсэн найруулгын төслийг боловсруулжээ.

Шинэчлэн боловсруулсан “Монгол Улсын Их Хурлын гишүүний ёс зүйн дүрэм”-ийн зорилго нь Улсын Их Хурлын гишүүн бүрэн эрхээ хэрэгжүүлэхдээ “...би ард түмнийхээ элчийн хувьд нийт иргэн, улсын ашиг сонирхлыг эрхэмлэн, төрт ёс, түүх, соёлынхоо уламжлалыг хүндэтгэж, Монгол Улсын Үндсэн хуулийг дээдлэн сахиж, авлига, ашиг сонирхлын зөрчлөөс ангид байж, гишүүний үүргээ чин шударгаар биелүүлэхээ тангараглая. Миний бие энэ тангаргаасаа няцвал хуулийн хариуцлага хүлээнэ" хэмээн Төрийн сүлдэндээ өргөсөн тангарагтаа үнэнч байхад нь туслах зорилготой юм.

Монгол Улсыи Их Хурлын гишүүний ёс зүйн дүрмийн төсөл 12 бүлэг 70 зүйл, 31 дэд заалттай байх аж. Дүрмийн төсөлд Ёс зүй, сахилга хариуцлагын байнгын хороо ёс зүйн зөрчил гаргасан гишүүнд зөрчлийн шинж байдлыг харгалзан сануулга өгөх, хатуу сануулга өгөх, уучлал гуйхыг үүрэг болгох, албан тушаалын цалингийн хэмжээг 6 cap хүртэл хугацаагаар 20 хүртэл хувиар бууруулах зэрэг хариуцлага ногдуулахаар тусгасан байна.

Дүрэм батлагдсанаар Улсын Их Хурлын гишүүн нь ард түмний элчийн хувьд төр, олон нийтийн итгэлцлийг бий болгох, тэдний итгэлийг хүлээх, авлига, ашиг сонирхлын зөрчлөөс ангид байж, өргөсөн тангаргаа үнэнчээр биелүүлэх хөшүүрэг болно гэж төсөл санаачлагчид үзэж байна.

Сэтгэгдэл ( 8 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (103.26.195.251)  2021 оны 03 сарын 25

Ха ха бүүр эргүү эргүү юм их үзэхнээ. Тэнэг хүмүүс хуурч байгаа бишдээ ард иргэдийг бүгдийг нь тэнэг гэж үзээд байна уу?

0  |  0
ИРГЭН (66.181.167.254)  2021 оны 03 сарын 25

ЯМАР МАЛЫН ТОЛГОЙД ИЙМ ЮМ ОРДОГ БАЙНА. ИХ ХУРЛЫГН ЧИНЬ ЦАЛИНГ ТООДОГ ГАРУУД УУ НААД ХУЛГАЙЧИД ЧИНЬ

0  |  0
зочин (202.9.46.43)  2021 оны 03 сарын 24

тэрбумаар хулгайлж иддэг хүмүүст нэг сая гаруйхан төгрөгийн цалингийн 20 хувь юу юм бэ. Боль доо Бат-эрдэнэ гуай ! Түүний оронд гишүүнээс нь шууд эгүүлэн татах санал оруулаач

0  |  0
иргэн (202.126.89.104)  2021 оны 03 сарын 24

arai ugui bailgui dee.

0  |  0
mnbvc (88.116.92.142)  2021 оны 03 сарын 24

tedend tsalin hed baih n sonin bish

0  |  0
ЧЕБУРАШКА (202.126.90.120)  2021 оны 03 сарын 24

юуны чинь торгох вэ? шууд огцрох ёстой шүү дээ

0  |  0
Зочин (103.10.23.172)  2021 оны 03 сарын 24

20 хувийг тоохчгүй 250 саяыг ард түмний зөвшөөрөлгүй авдаг хүмүүс бол 76 луйварчид биздээ ичмээр хууль вэ

0  |  0
AAAA (66.181.180.33)  2021 оны 03 сарын 24

Udiin hoolniihono munguur uu

1  |  0
Top