Нийслэлийн Нийтийн тээврийн газраас мэдээлж байна

Залуучуудын гудамж “Зоос гоёл”-ын уулзвараас Төв музейн уулзвар хоорондох замыг энэ сарын 23-ны өдрөөс эхлэн хаасан. Энэхүү замыг ирэх сарын 9-ний өдөр нээх аж. Харин Цаг уурын уулзварын урд хэсгээс Цэцэг төвийн уулзвар хүртэлх авто замыг энэ сарын 22-ны өдрөөс ирэх сарын 5-ны өдөр хүртэл хугацаанд хөдөлгөөний хамт хааж, зам засварын ажил хийж байгаа. Тиймээс нийтийн тээврийн үйлчилгээний том оврын автобусны хөдөлгөөнд өөрчлөлт оруулжээ. Хотын баруун болон хойд чиглэлээс ирж Цаг уурын уулзвар, Цэцэг төвийн уулзваруудаар урагшаа нэвт явдаг “Бэлх-Долоон буудал-ТЭЦ-З”, ”11-р хороолол-Цэцэг төв-Зайсан”, “Зүүнсалаа-Сансар”, “Орбит-Тэнгис кино театр-Ард”, “Чингэлтэй-Хүнсний 1 -МУБИС-4-р дэлгүүр” зэрэг чиглэлийн автобус Зоос гоёлын уулзвараар зүүн гар тийш эргэн Бага тойруугийн замаар буюу Анкарагийн гудамжаар өгсөж, СУИС-ийн уулзвар хүрч, Сүхбаатарын гудамжинд орж Засгийн газрын ордны баруун талын замаар урагшаа явж, Төв шуудангийн уулзвараас тус тусын чиглэлдээ орж явах аж. Тиймээс Ард кино театр, Цэцэг төвийн автобусны буудалд нийтийн тээврийн хэрэгсэл зогсохгүй юм байна. Харин Цэцэг төвийн уулзвараар хойш эргэдэг чиглэлүүдийн автобус Төв шуудангийн уулзвараар баруун гар эргэж, Засгийн газрын ордны зүүн болон хойд талын замаар тойрч, Төв музейн урд уулзвараар хойшоо эргэж, СУИС-ийн уулзвар хүрч, бага тойруугийн замаар тус тусын чиглэлдээ орж явах юм байна. Мөн Зоос гоёлын уулзвараар баруун, зүүн чиглэлд нэвт явдаг чиглэлүүдийн автобус Зоос гоёлын уулзвараар зүүн гар эргэн Бага тойруугийн замаар буюу Анкарагийн гудамжаар өгсөн СУИС-ийн уулзвар хүрч, Сүхбаатарын гудамжинд орж Засгийн газрын ордны баруун хойд уулзвараас тус тусын чиглэлдээ орж явна. Энэ мэт зүүн чиглэлээс ирж Зоос гоёлын уулзвараар урагшаа эргэдэг чиглэлүүдийн автобус Засгийн газрын ордны баруун хойд уулзвараар зүүн гар тийш эргэн Засгийн газрын ордны баруун талын замаар явж Төв шуудангийн уулзвар хүрч үндсэн чиглэлдээ орж явна.

Түүнчлэн хойд замаар явдаг автобуснууд III сургууль, Үндэсний шуудангийн автобусны буудалд зогсохгүй. Их тойруугийн гудамжинд “Өлзий төвийн уулзвар”-ын зүүн хэсгээс “Авто плаза төв”-ийн уулзвар хүртэлх авто замын баруунаас зүүн тийш явах чиглэлийн хөдөлгөөнийг энэ сарын 23-ны өдрийн 23 цагаас 28-ны өдрийн 07 цаг хүртэл хугацаанд хаахтай холбогдуулан нийтийн тээврййн үйлчилгээний их багтаамжийн автобусны хөдөлгөөнд өөрчлөлт оржээ. Хотын хойд болон баруун чиглэлээс ирж Их тойруугийн замаар зүүн чиглэлд нэвт явдаг “11-р хороолол-Цэцэг төв-Зайсан”, “3,4-р хороолол-100 айл-Шархад”, “Зам гүүрийн авто бааз-100 айл-Улиастай”, “ХМК-3,4-р хороолол-100 айл-ХӨСҮТ”, “Чингис соосэ ДС-Баруун хүрээ-100 айл-Офицерүүдийн ордон”, “Тоосгоны үйлдвэр-100 айл-Мишээл экспо төв”, “Бэлх-4-р дэлгүүр-Мишээл экспо төв” гэсэн чиглэлүүдийн автобус Өлзий төвийн уулзвараар баруун гар эргэж, Их сургуулийн гудамж болон Бага тойруугийн зам, Бээжингийн гудамжаар дамжин Эрхүүгийн гудамжаар явж 100 айлын замд орон тус тусын чиглэлээр явна гэдгийг нийслэлийн Нийтийн тээврийн газраас мэдээллээ.

Эх сурвалж: Өглөөний сонин