Төрийн албаны ерөнхий шалгалтыг Аймаг, Нийслэлийн шалгалт зохион байгуулах Салбар зөвлөл, Салбар комисс зарлагдсан хуваарийн дагуу 2021 оны арваннэгдүгээр сарын 15-ны өдрийн 08:00 цагт орон даяар эхэлсэн.
Шалгалтыг
Шалгалтад орох иргэд Төрийн албаны зөвлөлийн exam.csc.gov.mn цахим хуудсанд хандан шалгалтын системд өөрийн эрхээрээ нэвтрэн орж хаана, хэзээ, хэдэн цагт шалгалт өгөх товоо мэдэх боломжтой. Хэрвээ Та нэвтрэх эрх, нууц үгээ мартсан бол бүртгэлтэй гар утасны дугаартаа нэг удаагийн код хүлээн авч нууц үгээ солино.
Мөн шалгалт эхлэхээс 30 минутын өмнө иргэний үнэмлэхтэйгээ ирж, танхимд суудлаа эзэлсэн байх хэрэгтэй юм. Шалгуулагчид өөрийн болон бусдын эрүүл мэнд, аюулгүй байдлын төлөө халдвар, аюулгүйн дэглэмээ чанд сахин шалгалтдаа оролцохыг Төрийн албаны зөвлөлөөс анхааруулав.
Энэ жил улсын хэмжээнд 9,000 орчим иргэн төрийн албаны ерөнхий шалгалт өгөхөөр бүртгүүлсэн байна. Тэдний 4,483 нь нийслэлийн шалгуулагчид юм.
Сэтгэгдэл ( 0 )