Аргентинд хүүхдүүдийн 69.6 хувь нь вакцинд хамрагджээ

Аргентины Эрүүл мэндийн яамнаас мэдээлснээр тус улсын хүн амын 60 хувь нь коронавирусний халдварын эсрэг вакциндаа бүрэн хамрагджээ.

Аргентины иргэдийн 78.5 хувь нь COVID-19-ийн эсрэг вакцины нэгдүгээр тунд хамрагдсан байна.

Тус улсад 12-17 насны хүүхдүүдийн 69.6 хувь нь ковидын эсрэг вакцины эхний тундаа хамрагджээ.

Мөн 3-11 насныхны ковидын эсрэг вакцины эхний тундаа хамрагдалт 46.1 хувьтай, бүрэн тунд хамрагдалт 7 хувьтай байгаа аж.

Аргентины Эрүүл мэндийн яамнаас мэдээлснээр вакцины нэмэлт гуравдугаар тунд одоогоор 892 мянга гаруй хүн хамрагдаад байгаа гэнэ.

НҮБ-ын Ерөнхий нарийн бичгийн дарга Антониу Гутерреш өмнө нь “2022 оны эхний хагаст дэлхийн хүн амын 70-аас доошгүй хувийг вакцинд хамруулахын тулд дэлхий дахинд коронавирусний эсрэг вакцинжуулалтын олон улсын төлөвлөгөө хэрэгтэй” гэж мэдэгдсэн юм.