Наадмын өмнөх долоо хоногт ихэнх нутгаар сэрүүсч, хүйтэн бороо үргэлжлэн орно

Маргааш ихэнх нутгаар, нөгөөдөр нутгийн зүүн хагаст, 7-нд зүүн зүгийн нутгаар, 8-нд төв болон зүүн зүгийн нутгийн хойд хэсгээр бороо үргэлжлэн орох аж. Энэ үеэр салхи зарим газраар түр зуур секундэд 16-18 метр хүрч ширүүснэ гэж Ус цаг уурын хүрээлэнгээс мэдээлжээ. Ихэнхдээ дуу, цахилгаантай түр зуурын ширүүн бороо орох учир үер усны аюулаас болгоомжлох хэрэгтэй. Мөн аянга бууснаас түймэр гарах, түр зуурын хүчтэй аадар борооны улмаас үерийн далан сэтэрч, албан байгууллага ард иргэдэд ихээхэн хэмжээний хохирол учруулах нөхцөл бүрдэж байгааг ОБЕГ-аас сэрэмжлүүллээ. Түүнчлэн маргааш нутгийн баруун хагаст, нөгөөдөр ихэнх нутгаар эрс сэрүүсч уулархаг нутгаар шөнөдөө 1-6, өдөртөө 5-10 градус байх нь. Харин говь талын нутгаар шөнөдөө 12-17, өдөртөө 19-24 градус, бусад нутгаар шөнөдөө 5-10 градус, өдөртөө 13-18 градус дулаан байх ажээ.

Эх сурвалж: Үндэсний шуудан