Наадмаар 908 автобус үйлчилнэ

Улсын их баяр наадмаар нийтийн тээврийн хэрэгслэлийн явах маршрутыг Нийслэлийн нийтийн тээврийн газраас гаргалаа.

Нийтийн тэээврийн үйлчилгээнд үндсэн 69 чиглэлд том оврын 617, туслах 23 чиглэлд бага оврын 221, зуслангийн зургаан чиглэлд бага оврын 20, нийт 858 автобус явах аж. Наадмын өдрүүдэд Төв цэнгэлдэх хүрээлэн рүү 26 чиглэлээс 209 автобус үйлчлэхээр тогтоожээ. Махатма Гандийн гудамжаар 100, Төв цэнгэлдэхийн урд талаар шинээр тавьсан замаар 109 автобус тус тус шугаманд гарах аж. Мөн Хүй долоон худаг руу Төв цэнгэлдэхээс 20 автобус, III, IV хороолол, Долоон буудал, Таван шар, Офицеруудын ордон гэсэн таван чиглэлээс тус бүр 4, нийтдээ 20, морь барианы газарт 10,нийт 30 бага оврын автобус үйлчлэхээр болсон байна. Баярын өдрүүдэд 908 тээврийн хэрэгсэл үйлчилгээнд гаргахаар төлөвлөөд байна.

Эх сурвалж: МОНЦАМЭ