Хойд Солонгост ковидын 18 мянган тохиолдол бүртгэгдлээ

Цар тахал эхлэснээс хойш хилээ хааж, халдвар илрээгүй хэмээн мэдэгдэж ирсэн Хойд Солонгос өчигдөр /2022.05.12/ коронавирусний анхны тохиолдол илэрсэн талаар албан ёсоор мэдээлсэн.

БНАСАУ-ын Төв агентлагаас гаргасан мэдээнд Омикрон BA.2 буюу "Стелс-омикрон" хувилбар нэг хүнд илэрсэн гэж дурдсан байлаа.

Үүнтэй холбоотойгоор БНАСАУ-ын Хөдөлмөрийн намын Төв Хорооны Улс төрийн товчоо хуралдаж, хот, тосгон бүрт карантин тогтоосон байна. 

Өнөөдөр өглөө Yonhap агентлаг одоогийн байдлаар тус улсад 18 мянган тохиолдол илэрч, 6 хүн нас барсан тухай мэдээллээ.