АНУ-д хувийн нисдэг тэрэг осолдож, зургаан хүн амиа алджээ

АНУ-ын Баруун Виржиниа мужид хувийн нисдэг тэрэг осолдож, зургаан хүн амиа алджээ.

“Bell UH-1B” нисдэг тэргэнд байсан зургаан хүн бүгд амиа алдсан талаар WBOY телевиз мэдээлсэн байна. Ослын шалтгааныг тодруулж байгаа аж.

Нисдэг тэрэгний ослыг АНУ-ын Холбооны нисэхийн захиргаа болон Тээврийн аюулгүй байдлын үндэсний зөвлөл мөрдөн шалгах юм байна.