ЧУУЛГАН: “Роснефть” манайхтай хамтарсан компани байгуулна

УИХ-ын чуулганы нэгдсэн хуралдаан эхэллээ. Хуралдаанаар Газрын тосны бүтээгдэхүүний тухай хуульд нэмэлт оруулах тухай хуулийн төслийг хэлэлцэв. 

Энэ хууль батлагдсаны дараа “Роснефть”, “Эрчис ойл” компанийн хамтарсан компани байгуулагдана. Монголын тал 60 хувийг нь, Оросын тал 40 хувийг нь эзэмших аж.

Сингапурын биржийн үнэ орчимд онгоцны түлш тогтвортой нийлүүлнэ гэсэн бодлого зорилго тавьж байна. Хууль батлагдсанаар онгоцны түлшний үнэ тонн тутамдаа 300-600 ам.доллараар буурч, авиа компаниуд онгоцны тийзний үнээ 8-12 хувиар бууруулах боломжтой. Нислэгийн 28-46 хувь нь онгоцны түлшний зардал байна гэж Зам тээврийн хөгжлийн сайд С.Бямбацогт тайлбарлав.

Уг хуулийн төслөөр УИХ дахь Ардчилсан намын бүлэг баасан гаригийн өглөө хүртэл завсарлага авав.