Хөгжлийн банкны сонсголд Сү.Батболд, Ч.Хүрэлбаатар нарыг ГЭРЧЭЭР ДУУДЛАА  

УИХ-ын 14 дүгээр тогтоолоор байгуулсан “Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хороо”-ны Нотлох баримтыг шинжлэн судлах хоёр дахь шатны сонсгол өнөөдөр /2023.02.08/ Төрийн ордноо гурав дахь өдрөө  үргэлжилж байна. 

Энэ үеэр Ерөнхий сайд асан, УИХ-ын гишүүн Сү.Батболд болон Эдийн засгийн хөгжлийн сайд Ч.Хүрэлбаатар нарыг гэрчээр дуудахаар боллоо. Тэднийг "Сайншанд Аж үйлдвэрийн цогцолбор" ТӨХХК-ийн Хөгжлийн банкнаас авсан зээлтэй холбогдуулан гэрчээр дуудаж байгаа аж. Учир нь, тухайн үед Сү.Батболд Ерөнхий сайдаар, Ч.Хүрэлбаатар Сангийн сайдаар ажиллаж байжээ.