Ё.Баатарбилэг: Парламент хууль батлахдаа дэг журмаар нь явуулмаар байна

УИХ-ын өнөөдрийн /2023.03.17/ чуулганы нэгдсэн хуралдаанаар Олон нийтийн сүлжээнд хүний эрхийг хамгаалах тухай хууль болон дагалдан гарсан Харилцаа холбооны тухай хуульд нэмэлт, өөрчлөлт оруулах тухай, Кибер аюулгүй байдлын тухай хуульд нэмэлт оруулах тухай, Хүний хувийн мэдээлэл хамгаалах тухай хуульд нэмэлт оруулах тухай, Татварын ерөнхий хуульд өөрчлөлт оруулах тухай хуулиудад бүхэлд нь тавьсан Монгол Улсын Ерөнхийлөгчийн хоригийг хэлэлцэж байна.   

Энэ үеэр УИХ-ын гишүүн Ё.Баатарбилэг "Хуулийн хэлэлцүүлэг, чуулганы хуралдаанд орж ирэх үед ийм нөхцөл байдал үүсэх вий гэдгийг хэлж байсан. Хуулийн төслийг анх боловсруулахдаа олон нийтийн санаа бодлыг хэрхэн тусгасан юм. Энэ мэт хуулийн төслүүд дээр зөвлөлдөх санал асуулгыг явуулж байх ёстой. Төрийн байгууллага, иргэний нийгмийн дуу хоолой байгаагүй. Хуулийн төсөл дээр сууж байгаа төрийн албан хаагчид тодорхой мэдээллийг өгч баймаар байна. Эцэст нь УИХ, УИХ-ын дарга нар хуулийн төслийг яг дэг журмаар нь явуулмаар байна. 48-хан цагийн дотор баталсан шүү дээ. Ерөнхийлөгчийн хориг цагаа олсон, зөв" гэлээ.