Б.Нетаньяху ХАМАС-ын барьцаанд байгаа хүмүүсийн ар гэртэй уулзав

Израилийн Ерөнхий сайд Биньямин Нетаньяху Палестины ХАМАС хөдөлгөөний барьцаанд байгаа хүмүүсийн ар гэрийнхэнтэй уулзжээ.

“The Times of Israel”-д бичсэнээр Б.Нетаньяху тэдэнд хэлэхдээ, дипломат болон тагнуулын шугамаар 24 цагийн турш хүчин чармайлт гаргаж байгаа гэжээ.

Израилийн Ерөнхий сайд уулзалтын дараа “Барьцаанд байгаа хүмүүсийн ар гэрийнхний зовлон шаналлыг сонслоо. Бид сэтгэлээсээ ярилцсан” гэсэн байна.

Зарим шинжээчийн дүгнэж буйгаар барьцааны хүмүүсийг аюулгүй суллана гэсэн хүлээлт тавихад эрт байгаа аж.