УИХ-ын зөвлөл ӨНӨӨДӨР ХУРАЛДАЖ, чуулганы товд өөрчлөлт оруулна
Өнгөрсөн баасан гараг буюу аравдугаар сарын 10-ны өдөр хуралдсан Төрийн байгуулалтын байнгын хороогоор Г.Занданшатарын Засгийн газрыг огцруулах асуудлыг хэлэлцэж эхэлсэн. Улмаар маргааш буюу аравдугаар сарын 13-ны өдөр уг асуудлыг үргэлжлүүлэн хэлэлцэхээр болсон боловч ирэх долоо хоногийн хэлэлцэх асуудлын товд ороогүй гэдэг мэдээлэл өнөөдөр зарим хэвлэл мэдээллийн хэрэгслээр цацагдсан байна.
Үүнтэй холбогдуулан УИХ-ын Тамгын газраас залруулга гаргажээ.
Тодруулбал, 2025 оны 10 дугаар сарын 13-17-ны өдрийн Улсын Их Хурлын чуулганы хуралдааны тов, дараалал нь 2025 оны 10 дугаар сарын 10-ны Баасан гарагийн үдээс өмнө /11.45 цагт/ батлагдсан.
Харин мөн өдрийн 14.00 цагт эхэлсэн Төрийн байгуулалтын байнгын хороо хуралдаан ирэх Даваа гараг /2025.10.13/-т үргэлжлэн хуралдаж Ерөнхий сайдыг огцруулах саналыг хэлэлцэх болсон тул Улсын Их Хурлын Зөвлөл өнөөдөр /2025.10.12/ хуралдаж ирэх долоо хоногийн чуулганы хуралдааны тов, дараалалд өөрчлөлт оруулна гэжээ.
Холбоотой мэдээ
Сэтгэгдэл ( 2 )
Амарбаясгалан та элдэв арга арга заль хэрэглэлгүй зүгээр л шалгуулчих.
Амарбаясгалан та элдэв арга арга заль хэрэглэлгүй зүгээр л шалгуулчих.