Баянхонгорт Д.Мөнх-Эрдэнэ, Х.Баттулга нэр дэвшинэ

Сонгуульд нэр дэвшигчдийн нэрс ээлж дараалан тодорч байгаа энэ өдрүүдэд Баянхонгор аймгийн Ардчилсан нам хуралдаж нэр дэвшигчдээ тодруулжээ.  Аймгийн намын хорооны хуралд 80 төлөөлөгч оролцсон байна. Энэ жилийн УИХ-ын сонгуульд Баянхонгор аймаг хоёр мандатын эрхтэй байгаа бөгөөд нэгээр “Женко” Х.Баттулга гарч,  “Jeep service” ХХК-ийн захирал  Д.Мөнх-Эрдэнэ 47 хүний саналаар хоёр дахь мандатын эрхийг авчээ.  Харин  “Техник Импорт” компанийн ТУЗ-ийн дарга Д.Ганбат мандатын эзэн болж чадсангүй. Тэрбээр  2004, 2008 онд Баянхонгор аймагт нэр дэвшээд гарч чадаагүйн адилаар энэ удаа бас тойроггүй хоцорлоо. Баянхонгор аймгийн АН-аас нэр дэвшигчидийг Ардчилсан намын ҮЗХ-ны хурлаараа эцсийн байдлаар батламжлах юм.

А.Баярмаа