Дэд сайд Ч.Ганхуяг Оюутны холбооны ерөнхийлөгчийн албан тушаалаасаа түдгэлзлээ

Сангийн яамны дэд сайд Ч.Ганхуяг өнөөдөр албан ёсоор Монголын Оюутны Холбооны Ерөнхийлөгчийн албан тушаалаасаа түдгэлзжээ. Түдгэлзэх болсон шалтгаан одоогоор тодорхойгүй ч Монголын оюутны холбооны хэсэг оюутнууд түүнийг эсэргүүцэж байгаагаа мэдэгдэж байсантай холбоотой гэдгийг эх сурвалж хэлж байна.

Сангийн сайдыг эсэргүүцэгч “Монголын оюутны холбоог шинэчлэх ” хөдөлгөөнийхөн  Ч.Ганхуяг Оюутны холбоогоор дамжуулж оюутнуудыг ил болон далд байдлаар улс төрд ашиглаж байна хэмээн мэдэгдэж байсан бөгөөд Оюутны чуулганыг энэ сарын 27-ны дотор хуралдуулахыг шаардаж байсан юм.