Өнөөдөр туршилтын сонгууль болно

Өнөөдөр Тусгаар тогтнолын талбай дээр сонгогчдод зориулсан “Сонгогч таны боловсролд” нэрийн дор санал өгөх туршилтын үйл ажиллагаа болно. Энэ удаагийн сонгууль мажоритар, пропорциональ хосолмол тогтолцоогоор явуулахаас гадна сонгуулийн санал хураах, тоолох ажлыг автоматжуулсан төхөөрөмжөөр гүйцэтгэх юм. Мөн анх удаа УИХ-ын сонгууль, орон нутгийн сонгууль зэрэг явагдах гэж байгаа нь энэ сонгуулийн онцлог юм.

Тиймээс дээрх онцлогоос шалтгаалан иргэдийн сонгуулийн боловсролыг дээшлүүлэх, саналын хуудас болон санал авах машинтай ажиллах арга, туршлага мэдээллийг иргэдэд хүргэх шаардлагатай юм. Иймээс сонгуулийн ерөнхий хороотой хамтран санал өгөх туршилтын үйл ажиллагааг зохион байгуулж байгаа аж.