Баянзүрх дүүргийн IV хороонд байрлах IV хэсгийн хороо 07:00 цагт санал авч эхлэв

Баянзүрх дүүргийн IV хороонд байрлах УИХ-ын 21–р тойрог, НИТХ-ын 7–р тойргийн 4-р хэсгийн хороонд санал авах үйл ажиллагаа өглөөний 07:00 цагт эхэллээ. 2337 сонгогчтой энэ  хэсгийн хорооны  дарга Ц.Чимэгсайханаас тодруулга авлаа.

- Одоогийн байдлаар хэчнээн хүн санал өгөхөөс хэд нь өгөөд байна вэ?

- Манай хэсгийн хороонд 2337 хүн санал өгөхөөс одоогийн байдлаар 30 орчим хүн саналаа өгөөд байна. Ахмадууд маань өглөө эртлэн босож, төрдөө хүндэтгэл үзүүлэн саналаа өгөхөөр ирээд байна.

- Өчигдөр нийт хэдэн хүний санал авсан бэ?

- Ажиглагч, хэсгийн хорооны ажилчдаас бүрдсэн баг маань өчигдөр нийт долоон сонгогчийн саналыг авсан.  

- Энэ хэсгийн хороонд хэдэн ажиглагч, байна вэ?

- 15 ажиглагч байгаагаас дотор найм, гадна долоон ажиглагч ажиллаж байна. Хэсгийн хороо дотор гадаргүй цагдаагийн хамгаалалтад байгаа.

- Асуух лавлах зүйл сонгогчдоос гарч байна уу?

-Ер нь бол их гарна. Гэхдээ ахмадууд маань урьдчилж ерөнхий мэдээлэл авсан болохоор одоогоор ямар нэгэн асуусан зүйл, бэрхшээл манай хэсгийн хороонд гараагүй байна.

- Хэсгийн хороонд хэчнээн цэрэг саналаа өгч байгаа вэ?

- Дотоодын эргүүл хамгаалалтын 805-р ангиас манай дээр бүртгэлтэй 58 цэрэг байгаа. Бүртгэлтэй цэргүүдийн эхний ээлж нь одоо өгөөд дараагийн ээлж нь үдээс хойш ирж саналаа өгнө.

- Мэдээлэл өгсөнд баярлалаа.

- Иргэд, сонгогчддоо хандаж хэлэхэд сонгуульдаа идэвхтэй оролцоорой гэж уриалмаар байна.

А.Баярмаа

Сүхбаатар дүүргийн 3-р хороонд байрлах УИХ-ын 23-р хорооны 4-р хэсгийн хороо