АН-аас нэр дэвшигч Д.Ганхуяг санал тоолуулахаас айж байна

  Нийслэлийн Баянзүрх, Налайх дүүрэгт 22 дугаар тойрогт АН-аас нэр дэвшигч Д.Ганхуяг сонгуулийн урьдчилсан мэдээгээр тус дүүргээс хоёроор гарч ирж байгаа юм байна. Энэ дүүргийн санал тоолох асуудалд маргаан гараад байгаа бөгөөд намуудын зүгээс хяналтын тооллогыг дахин гүйцэтгүүлэх хүсэлт гаргаад байгаа . Асуудлыг нэг тийш шийдвэрлэж амжаагүй байтал нэр дэвшигч Д.Ганхуяг тус дүүргийн 12 дугаар хорооны 32 дугаар хэсгийн хорооны байранд УИХ-ын гишүүний халдашгүй байдлаа ашиглан нэвтэрч, гараар санал тоолох ажлыг эрс эсэргүүцэж байгаагаа илэрхийлэн ажиглагч нар болон бусад ажилтнуудыг тарахыг шаардсан байна.

1.    Шударгаар өрсөлдөж л байгаа бол дахин гараар санал тоолох хяналтын тооллогыг чухам яагаад “амь тэмцэн” эсэргүүцнэ вэ?
2.    Нэр дэвшигч сонгуулийн ерөнхий дүн гараагүй байхад санал тоололт явагдаж байгаа хэсгийн хорооны байранд нэвтрэх нь хуулийн ёсны асуудал мөн үү?
3.    Өөрөө нэр дэвшиж байж УИХ-ын гишүүний бүрэн эрхээр далайлган ингэж авирлах нь зөв үү?

Хөндлөнгөөс харахад тэрээр сонгуулийн дүнг луйвардсан учраас л ийнхүү айж, эрх мэдлээрээ түрий барин “дөвчигнөж” байна гэж хэлэхээр байна гэж эх сурвалж мэдээллээ.