Өнөөдөр болох үйл явдлын тойм

• 10 цагт шинэ парламент анхдугаар хуралдаанаа хийнэ.
• Өнөөдөр Сүхбаатар дүүргийн шүүхийн Эрүүгийн танхимд 11.00 цагаас мансууруулах болон сэтгэцэд нөлөөлөх эм, бэлдмэл, бодисыг хууль бусаар бэлтгэх, олж авах, хадгалах, тээвэрлэсэн хэрэгт буруутгагдаж буй Б.Одбаяр, Э.Золбоо, О.Мөнхбат нарыг шүүх хурал болно.
• Өнөөдөр 11.30 цагт ЦЕГ-т Үндэсний их баяр наадам, Ардын хувьсгалын 91 жилийн ойг тохиолдуулан цагдаа, дотоодын цэргийн алба хаагчдад цол гардуулах ёслол болно. Мөн 15.00 цагт улсын хэмжээнд эхний хагас жилд бүртгэгдсэн гэмт хэрэг, зөрчлийн тухай мэдээлэл хийнэ.
• Үндэсний мэдээллийн төвд 11.00 цагт хурдан морь унаач хүүхдүүдийн хамгаалалтын хэрэгслийн талаар хэвлэлийн бага хурал хийнэ.
• Афганистан, Судан улсад үүрэг гүйцэтгэсэн цэргийн багийн бие бүрэлдэхүүнд төрийн дээд одон медаль гардуулах ёслол 10.00 цагт ЗХЖШ-т болно.

“Монгол нюьс” мэдээллийн төвд

11.00 Монголын үнэт цаасны арилжаа эрхлэгчдийн холбооноос хөрөнгийн биржийн брокерууд ажил хаялт зарласан тухай хэвлэлээр гарсан мэдээлэлд тайлбар хийнэ. Мөн MIT систем нэвтэрсэнтэй холбоотойгоор үүсээд буй нөхцөл байдлын талаар сонирхоорой.

12.00 Иргэдийн шударга шүүхээс сонгуультай холбоотой асуудлаар мэдээлэл хийнэ.