Монгол Улсын Ерөнхийлөгч ОХУ-ын Ерөнхийлөгчид эмгэнэл илэрхийлэв

Монгол Улсын Ерөнхийлөгч Ц.Элбэгдорж ОХУ-ын Ерөнхийлөгч В.В.Путинд эмгэнэл өнөөдөр илэрхийлэв Эмгэнэлд “Эрхэм хүндэт Владимир Владимирович,  2012 оны 7 дугаар сарын 6-наас 7-нд шилжих шөнө ОХУ-ын Краснодар хязгаарт их хэмжээний үер болсны улмаас олон хүний амь нас үрэгдсэн тухай эмгэнэлт мэдээ биднийг цочирдууллаа.

Монголын ард түмний нэрийн өмнөөс  болон хувиасаа Танд, амь үрэгдэгсдийн төрөл төрөгсөд, ойр дотныхонд болон оросын нийт ард түмэнд чин сэтгэлээсээ эмгэнэл илэрхийлье”  гэжээ.